الطريق الصح

   كل شئ بيوصل لشئ 

    و اللى يدور يلاقى 

دلنى بس على الطريق 

                                     وسيب على ربنا الباقى                                       

تحيا الحرية

حلبة مصارعة داخل عقلى أفكارى بلا لجام.
دماغى شغال 24 ساعة x الــــ 24 حتى أثناء نومى .
يخاصمنى التفكير آه يسيبنى لأ تشتعل المعركة.
نعقد هدنة أستسلم وترجع ريما لعادتها القديمة.
طموحى عفريت مستحيل صرفه , هل يستحق الأمر ذلك ؟!
نعم الحياة اما أن تكون مغامرة جريئة او لا شئ .
اتقمص شخصية ستيف ماكوين فى بابليون و محاولاته المستميتة للهروب فى سبيل حريته لدرجة القفز من فوق الجبل .
اختبر شجاعتى و اتحدى نفسى ... اواجه ترددى .
دقات قلبى تتسارع اتمسك بالأمل كلى ثقة وإيمانى بالله يزيدنى إصراراً.
تفاجئنى نفسى وتطلع قماش ارقص فرحاً.
تمر ثوانى و يرررجع تانى الجنى اللى مجننى مشاغباً كالعادة ماذا بعد ؟؟!
يلاحقنى صدى الصوت..!
التاريخ يعيد نفسه .... أضع يدى على رأسى و أغرق فى دوامة البحث عن هدف جديد .

لحظة صفا

الدفا يخاف م البرد... و البرد يقدر قيمة الدفا .
وما بين الشد والجذب.
تجمعهم لحظة صفا.

حكمة

لا يوجد أحد على وجه الأرض يمكنه أن يجعلك تشعر بأنك أقل منه بدون إذنك الشخصى.

صدق او لا تصدق

                 بشويتين صبر مع قلب بيحس على عقل بيفكر... نقدر على الأيام

                                           نقدر

                          

                                    

شكرا

عزيزى بلوجر فى يوم و ليلة حذفت المدونة بدون اى أسباب.
لكنك ف نفس الوقت اديتنى فرصة تانية لبداية جديدة .
متشكرة اوى وربنا يقدرنى انى اقدم أفضل ما عندى .

بناديك تعالى

القرب مش بالمسافات .

بينا سما و ارض .

ورغم البعد .

احنا لبعض .

غنى يا وحيد

الصمت و الوقت وجهين لعملة واحدة .
و الوحدة مع نفسك او مع الناس  ف كلتا الحالتين نفس الاحساس .

اتعلموها بقى

عسليات الانتخابات .
نفس الشكل ونفس اللون .
بس اتغير الباترون .

الغمازات

اعرف الكود ... تفهم النظام ... تمشى أمورك تمام 
خدعوك فقالوا:
كن مركوب تعيش محبوب ... بوس الأيادى وش وضهر يصبح لك ضهر .
 عايز توصل...  اتعلم فن المحلسة دى صنعة كويسة ... تفتح لك الأبواب .
هب تقب من تحت لفوق ... ما هى متجيش غير كده اصحى يا بنى وفوق .
هيصة الشغل الجامد تحت التربيزة هيصة 
وسلملى على الشهادات ... دعه يعمل دعه يمر .
السر كله فى الغمازات ... احمر الكاشات ... أخضر الكاشات .
م الآخر خد و هات .

ليه كده

ليه كده....
طب الميزان وضاعت القضية مبروك علينا السلطانية .
 و الشماتة مستخبية ورا نظرة تعاطف غبية .
انتباه للطابور ... كله جى عليه الدور .
انكشف المستور ... !
دستور يا سيادى دستور .
بركاتك يا شيخ سحاب ... عشنا و شوفنا زمن اللص و الكلاب .

ما تفكرليش

لو حكينا يا حبيبى نبتدى منين الحكاية .....

- البداية مع دقات الهون حلقاتك برجالاتك
- اسمع كلام امك اسمع كلام ابوك اسمع كلام اللى أكبر منك 
- اتكلمت كويس لا تناقش ولا تجادل والا وقعت فى المحظور 
- مشيت مبروك على الارض , اطلعلى بقى فوق السلم المرسوم على الحيطة واياك تخرج عن حدود الخط المرسوم .
- ازاى ؟!!
- من امتى بترد عليا ..!!

- ده مجرد سؤال ..!

- ما هى بتبدى فى الاول كده , واكراماً ليك سماح النوبة .

- والآن آن الآوان , اعرض عليك صفقة العمر .

 - بيع دماغك , مقابل تحقيق كل احلامك ..... بس بشرط تمشى ورايا على طول الخط .

- موافق .

- اركبلى بقى الهوا ........................................